ગુજરાત તરફ ફંટાયું ઓખી વાવાઝોડું, 4-5 ડીસેમ્બર દરમ્યાન હળવા થી મધ્યમ વરસાદ ની શક્યતા છે

ઓખી વાવાઝોડાના કારણે તા. ૪ થી ૫  ડીસેમ્બર
દરમ્યાન હળવા થી મધ્યમ વરસાદની શક્યતા છે.

• ખેડૂત ભાઈઓએ કપાસની વીણી તૈયાર હોય તો વીણી લેવો.

• જીરું, ઘઉં, ધાણા, ચણા, લસણ, ડુંગળી અને શાકભાજી પાકોને પિયત આપવાનું
મુલતવી  રાખવું.

• જીરુંના પાકમાં મેન્કોઝેબ દવા ૨૭ ગ્રામ ૧૦ લીટર પાણીમાં મિશ્ર કરીને
તત્કાલ છાંટવી જેથી કાળી ચરમી/કાળીયા રોગનો ઉપદ્રવ થાય નહિ. વરસાદ પછી પણ
આજ દવાનો ફરીને છંટકાવ  કરવો.

• ખેતરમાં રહેલ તૈયાર માલ ઢાંકી દેવો અથવા સલામત સ્થળે રાખી દેવો.

• વરસાદનું વધારાનું પાણી ખેતરમાં ભરાય રહે નહિ તે માટે તેના નિકાલની
વ્યવસ્થા કરવી.

• ફળપાકોમાં પાકા ફળો ઉતારી બજારમાં મોકલી દેવા.

• પશુઓને સલામત સ્થળે રાખવા.
એમ. એફ. ભોરણીયા સાહેબ ની ભલામણ
(કે વી કે નાનાકાંધાસર)